5 thun rơgao, ngă tui Pran pơsit Jơnum tal III, bruă djuai ania, hơdôm jơlan hơdră, hơdră bruă djuai ania dưi hmâo tơring čar Kon Tum ngă tui ba glăi lu bôh tơhnal yôm phăn. Ƀuh rơđah hloh lĕ Bruă pơsur “Ngă pơplih tơlơi pơmin, bruă ngă mơ̆ng neh wa djuai ania ƀiă, ngă brơi neh wa djuai ania ƀiă hrưn đĭ tơtlaih mơ̆ng ƀun rin kơjăp phik” djru rơbêh kơ 15.300 bôh sang anô̆ ƀun rin, ƀun rin ƀơbiă hrưn đĭ tơtlaih mơ̆ng ƀun rin kơjăp.

Mơ̆ng ngăn rơnoh hơdôm jơlan hơdră, tơring čar Kon Tum hmâo tuh pơplai pơplih pơkra glăi, pơdŏng phrâo rơbêh kơ 1.160 ring bruă anom mă bruă ƀơi kual djuai ania ƀiă djru mơnuih ƀôn sang gêh gal amăng bruă ngă đang hmua, pơđĭ kyar bơwih ƀong hăng tơlơi hơdip mơda. Jơnum pơtŏng sit dong jơlan gah ha sa mơ̆ng Ping gah hăng Kơnuk kơna kơ tơlơi djuai ania hăng gum hrŏm hơbit djuai ania. Jơnum pơpŭ, bơni 11 grŭp, 25 čô mơnuih hmâo bôh than prong mơbruă, mă bruă klă amăng bruă djuai ania, hơdră bruă pioh kơ djuai ania./.