Pơhiăp amăng mông bưp ƀô̆ mơta, Khua git gai Ping gah, Khua mir sir dêh čar ta ơi Tô Lâm djă pioh hăng bơni hơdôm bôh than dưi ngă yôm phăn mơ̆ng mơnuih bơwih ƀong pioh kơ bruă pơđĭ kyar lŏn ia. Hrŏm hăng anun djă pioh hăng bơni Khul pơlir hơbit bruă sĭ mơdrô hăng măi mok Việt Nam hrŏm hăng hơdôm khul mơnuih bơwih ƀong, anom bơwih ƀong hmâo laih lu tơlơi gum hơgôp kơ bruă bơwih ƀong kơjăp kơtang.

Khă hnun hai, Khua git gai Ping gah, Khua mir sir dêh čar ta ăt črâo tơbiă mơn hơdôm tơlơi akă dưi ngă mơ̆ng khul mơnuih bơwih ƀong dêh čar ta ăt dô̆ anet mơn, tơhnal gal gah prăk kak tơdu, bôh thâo wai lăng akă kơjăp, akă hmâo lu mơnuih bơwih ƀong hrưn đĭ bơkơtưn ƀơi kual hăng đơ đam rŏng lŏn tơnah. Tui hăng Khua git gai Ping gah, Khua mir sir dêh čar, anom bơwih ƀong đĭ kyar thơ lŏn ia amra đĭ kyar. Yua anun, bruă đing nao pơtlaih tơnap kơ anom bơwih ƀong, pơtrut anom bơwih ƀong pơđĭ kyar lĕ bruă yôm phăn mơ̆ng abih bang gưl, gơnong bruă. Khua git gai Ping gah, Khua mir sir dêh čar ta hơ-ưč hmưi mơnuih bơwih ƀong dêh čar ta jai hrơi jai pơđĭ kyar kơtang hăng kơjăp, yak rơgao tơlơi lông, čơkă mă tơhnal gal, ba glăi lu bôh than bơwih ƀong sĭ mơdrô, djru kơ tơlơi pơđĭ kyar bơwih ƀong lŏn ia hăng tơlơi pơđĭ kyar mơnuih mơnam./.