Giăm hmâo 300 čô khua pơ ala lĕ khua mua hơdôm grŭp, anom pơphô bruă lăi pơhing mơ̆ng Grŭp pơtô bruă Ping gah hơdôm bôh tơring čar, Ping gah ƀôn prong, Ping gah dêh čar, hơdôm khul grŭp mă bruă kơđi čar mơnuih mơnam, mơnuih lăi pơthâo glăi bruă mă hơdôm gưl amăng đơ đam dêh čar nao pơhmư̆. Jơnum pioh lu mông lăi pơthâo tơlơi pơhing tui akô̆ bruă ƀơi kual ASEAN, bôh tơhnal sa dua bruă pơtom hiăp yôm phăn mơ̆ng khua git gai Ping gah, Kơnuk kơna hăng hơdôm jơlan gah pơkă prong mơ̆ng bruă pơtom hiăp pơ̆ anăp anai.

Ơi Phan Xuân Thuỷ, Kơ-iăng Khua Grŭp pơtô bruă Ping gah dêh čar rơkâo pơ̆ anăp anai, hơdôm Grŭp Ping gah hơdôm bôh tơring čar, Ping gah ƀôn prong, Ping gah dêh čar hrŏm hăng mơnuih lăi pơthâo glăi bruă Ping gah hơdôm gưl đing nao lăi pơhing dơlăm prong amăng mơnuih apăn bruă, mơnuih ping gah hăng hơdôm gưl mơnuih ƀôn sang kơ bôh tơhnal hmâo yua kơ pơđĭ kyar lŏn ia; đing nao bruă lăi pơhing Tơlơi črâo ba 35 lơ 14/6/2024 mơ̆ng Ding jum kơđi čar kơ Jơnum Ping gah hơdôm gưl anăp nao Jơnum khua pơ ala đơ đam dêh čar tal 14 mơ̆ng Ping gah ăt kiăng čih tơbiă mơn kơčăo bruă hmâo akô̆ tlôn pioh lăi pơhing, biă ñu bruă mă tơlơi gum pơhiăp mơ̆ng mơnuih apăn bruă, mơnuih ping gah hăng mơnuih ƀôn sang nao pơhmư̆ mông bơkơtuai hơdôm hră pơ-ar lăi pơthâo amăng mông jơnum./.