Tui hăng anun, Khul apăn bruă git gai ping gah dêh čar pơsit hĭ hră ruah yă Huỳnh Thị Chiến Hòa, ding kơna apăn bruă phun ping gah tơring čar Dak Lak, Khua Anom bruă khul pơ ala mơnuih ƀôn sang tơring čar Dak Lak, ngă Kơ-iăng khua git gai ping gah tơring čar Dak Lak rơwang bruă thun 2020-2025. Yă Huỳnh Thị Chiến Hòa, hrơi tơkeng lơ 18/04/1973, plơi pla hơđăp pơ Quảng Ngãi.

Hlâo kơ ruah đĭ ngă kơ-iăng khua git gai ping gah tơring čar Dak Lak, yă Huỳnh Thị Chiến Hòa tom ngă Kơ-iăng Khua Gơnong bruă  Man pơphô hăng Tuh pơ alin tơring čar Dak Lak; ngă Khua Gơnong bruă Pơtom hiăp tơring čar Dak Lak; ding kơna apăn bruă phun ping gah tơring čar, Khua anom pơtô bruă ping gah tơring čar Dak Lak; Khua anom bruă khul pơ ala mơnuih ƀôn sang tơring čar Dak Lak. Pơhiăp ƀơi mông đĭ apăn bruă, yă Huỳnh Thị Chiến Hòa brơi thâo, amra gir run abih pran jua amăng bruă mă phrâo jao, mă bruă tong ten, gir run hloh, tañ kiăo hmao tui hăng bruă phrâo hrŏm hăng abih bang ƀing adơi ayong amăng anih mă bruă hăng khua mua amăng tơring čar Dak Lak, thâo gum pơgôp, khut khăt, tañ ba tơring čar Dak Lak pơđĭ kyar hloh hăng hơđong.