Jơnum anai hơmâo lăi pơthâo, ƀing tơhan kông an pơđĭ tui na nao pran jua amăng bruă mă “Yua kơ mơnuih ƀôn sang khom mă bruă yơh”, hơmâo lu tơlơi pơgôp prong amăng bruă rŭ glăi tơlơi truh răm ƀăm kơthel, ia ling dăo ngă, djru mơnuih ƀôn sang hăng anăp ngă bruă lĕ “pơklaih mơnuih yơh tơhnal  anăp nao ngă bruă prong hloh mơ̆ng tơhan kông an mơnuih ƀôn sang”.

Kơthel mrô 3 hăng hơjan ia ling dăo tơdơi kơ anun ngă răm ƀăm prong biă mă kơ mơnuih hăng dram gơnam mơnuih ƀôn sang amăng kual gah kơdư, boh nik ñu ƀơi tơring čar Lao Cai, Yên Bái, Hà Giang…..ngă răm ƀăm prong biă mă hăng hơmâo 348 čô mơnuih djai laih anun rơngiă; giăm 2 rơbâo čô mơnuih rơka rơkač, ruă nuă; rơbêh 230 rơbâo boh sang răm ƀăm; rơnoh răm ƀăm yap truh 32 rơbâo klai prăk. Ngă djơ̆ pran jua “pơdjru nao rai tơdruă”, kông an djop sang bruă, tơring čar, plơi pla hơmâo prăp lui djop bruă hyu hơduah ĕp, djru pơklaih mơnuih hơmâo tơlơi truh, djru mơnuih ƀôn sang pơsir tơlơi truh răm ƀăm kơthel mrô 3 ngă tơdơi kơ kơthel ia ling dăo dơ̆ng ngă, kiăng bruă djru mơnuih ƀôn sang tañ hơđong, pơhlôm tơlơi pơhing truh ngă.