Tal pơplông pơphun mơ̆ng lơ 18/9 truh abih lơ 22/10, pơphun čih mơ-it amăng plang internet anăn https://cuocthi2024.tietkiemnangluong.com.vn. Boh yôm phun kơ tơlơi tơña hơmâo lăi nao akŏ bruă yua apui lơtrik thâo pơkrem laih anun tŭ yua hloh amăng sang anŏ, amăng sang bruă, anih tuh tia pơkra ming pơkĕ yua apui lơtrik kơ măi mok, bruă rơdêh pơdŭ pơgiăng; jơlan hơdră tơlơi phiăn pơkă kơ bruă apui lơtrik, ngă tui mông rŏng lŏn tơnah pơthăm apui lơtrik…..

Ƀơi tơring čar Dak Lak, abih bang ƀing khua mua, mơnuih mă bruă gah anom bruă apui lơtrik đơ đam tơring čar ngă hrŏm pơplông 5 tal laih. Laih dơ̆ng rim čô khua, mơnuih apăn bruă ăt jak iâu boh ƀiă 2 čô mơnuih amăng sang anŏ, kơnung djuai ngă hrŏm. Tal pơplông kiăng pơtrut pran jua mơak, djru pơđĭ tui tơlơi thâo hluh kơ bruă yua apui lơtrik thâo pơkrem, tŭ yua; laih dơ̆ng pơtrut pơsur djop sang bruă, anom bruă sĭ mơdrô hăng mơnuih ƀôn sang ngă tui pơkrem apui lơtrik sa hơdră kiăng ngă pơhrŏ anŏ huač soh sel apui lơtrik hăng pơkrem apui yua pơgang lŏn glai adai rơhuông anih dŏ jum dar kơ ƀing ta.