Tơdơi kơ 2 hrơi lăi pơthâo Jơlan hơdră pôr pơhing tui lu măi mok, lu mơta lăi nao hăng anăn ñu “Việt Nam – Rơnuk phrâo hrưn đĭ”, mơguah kơ 4/10, ƀơi Hà Nội, Ding kơna git gai Ping gah dêh čar, Khua Gong phun jua pơhiăp dêh čar Việt Nam ơi Đỗ Tiến Sỹ hmâo nao pel ĕp laih bruă pok pơhai hơdôm jơlan hơdră anai ƀơi lu anih anom mơ̆ng Gong phun jua pơhiăp dêh čar Việt Nam, anun lĕ: Grŭp pôr pơhing (VOV1), Grŭp pôr pơhing pơ̆ dêh čar tač rơngiao (VOV5), Hră pơhing điện tử VOV.vn, Gong phun pơdah rŭp mrô VTC, Glông pơdah rup VOVTV, Glông pôr VOV jơlan nao rai hăng Hră pơhing Gong phun jua pơhiăp dêh čar Việt Nam.

Amăng mông pel ĕp, pơtrut pơsur, Khua Gong phun jua pơhiăp dêh čar Việt Nam – Đỗ Tiến Sỹ lăi rơđah: Hơdôm bruă anai hmâo bôh tŭ yua sit nik hơdor glăi 55 thun ngă tui tơlơi pioh glăi mơ̆ng Khua mir sir Hồ Chí Minh, anăp nao čơkă mơ-ak Jơnum Ping gah đơ đam dêh čar tal 14, anăp nao hơdor glăi 40 thun ngă tui bruă pơplih phrâo lŏn ia hăng pơđom pioh gru phrâo hrưn đĭ mơ̆ng djuai ania. Bruă Gong phun jua pơhiăp dêh čar Việt Nam lăi pơthâo hơdôm Jơlan hơdră pôr pơhing lu mơta măi mok, lu djuai “Việt Nam – Rơnuk phrâo hrưn đĭ pô” pơdah tơlơi gir run mơ̆ng Gong phun jua pơhiăp gum hrŏm na nao hăng hơdôm jơlan gah pơsit bruă pơđĭ kyar mơ̆ng Ping gah hăng Gong gai dêh čar./.