Amăng mông bưp, mơnuih ƀôn sang tơring čar Dak Lak pơdah tơlơi đăo gơnang hăng čang rơmang nao hơdôm hơdră bruă kiăng pơtrut pơđĭ kyar bơwih ƀong huă-mơnuih mơnam, hơdră găn rơgao tơnap tap ră anai mơng Kơnuk kơna, mơng Ƀirô Khua pơ ala mơnuih ƀôn sang dêh čar.

Mơnuih ƀôn sang tơring čar Dak Lak hơmâo lu tơlơi pơgôp hiăp, tơlơi rơkâo bơdjơ̆ nao hơdră djru brơi mơnuih apăn bruă ƀơi ƀon lan, bruă wai lăng lŏn mơnai, pơkra ming jơlan glông, bruă ngă hră pơ-ar….Tŭ mă tơlơi pơgôp hiăp mơng mơnuih ƀôn sang, Ƀing Khua pơ ala mơnuih ƀôn sang tơring čar Dak Lak rơkâo ƀing pơ ala hơdôm gơnong bruă, anom bruă hăng gong gai ƀon lan lăi glăi hơdôm tơlơi tơña; laih dong pơƀut glăi tơlơi pơgôp hiăp mơ-it nao Ƀirô Khua pơ ala mơnuih ƀôn sang dêh čar hrŏm hăng djop gưl, gơnong bruă bơdjơ̆ nao.