Tơdơi kơ hmư̆ tơlơi pơgôp hiăp, Khua dêh čar ơi Phạm Minh Chính lăng yôm tơlơi gir run, bruă mă hur har, djơ̆ hăng anŏ kiăng sit nik, tŭ yua mơ̆ng ƀing kơ-iăng khua dêh čar pô git gai laih anun ƀing khua mua nao jơnum. Boh nik ñu, bơni kơ pran jua pơđing hmư̆, čih pioh, khin pơmin, khin ngă mơ̆ng djop sang bruă mơdrô gah bruă man pơdong lăi pơthâo amăng mông jơnum, hơmâo rơkâo đĭ hơdôm bruă mă pơblih phrâo sit nik, pơblih tơlơi pơmin pơčeh phrâo hrŏm hơbit pơsir hơdôm tơlơi hrăm pơprong gưl dêh čar.

Khua dêh čar jao kơ Anom bruă kơnuk kơna git gai, ngă hrŏm hăng Ding jum Man pơdong hăng hơdôm ding jum anom bruă pơdjơ̆ nao čih pioh djop tơlơi pơgôp hiăp, ngă hră lăi pơthâo klah čun git gai sa hnơ̆ng, pok pơhai ngă tui. Thun blan pơ anăp, Khua dêh čar rơkâo, khua mua djop ding jum, anom bruă, djop tơring čar, djop anom bruă mơdrô man pơdong khom pơtong rơđah bruă mă pok pơhai hơdôm kơčăo bruă phun, kơčăo bruă pơprong ƀơi dêh čar kiăng hơmâo boh tŭ yua hloh, djơ̆ tơhnal pơkă, bruă pơtrun jing pran kơtang pơtrut ngă tui anŏ pơblih phrâo lŏn ia, yua măi mok phrâo mă bruă.