VOV4.Jarai - Jing sa amăng hơdôm anih yôm phun mơ̆ng jơlan Trường Sơn hing ang, Tơdrun găn ia krông Sêrêpôk ƀơi să guai dêh čar Krông Na, tơring glông Buôn Đôn, tơring čar Dak Lăk ăt dŏ djă pioh na nao gru đưm thun blan blah ayăt sông kơtang hing ang mơ̆ng tơhan hăng mơnuih ƀôn sang ta. Hăng bruă hơmâo tŭ yap jing anih gru đưm yôm pơphăn, Tơdrun găn ia krông Sêrêpôk jing gru pơ ala brơi pran kơtang, tơlơi pơmin khăng khŏp, khin hơtai mơ̆ng mơnuih ƀôn sang amăng rơnuk blah ayăt Mi pơklaih rơngai lŏn ia.

VOV4.Jarai - Lơ 5/9, Khua dêh čar ơi Phạm Minh Chính hơmâo mông bưp Khua dêh čar Timor Leste Xanana Gusmao hăng Khua khul bơwih ƀong rŏng lŏn tơnah (WEF) Klaus Schwab ƀrô tal nao jơnum khua mua pơprong kual ASEAN tal 43 hăng hơdôm mông jơnum bơdjơ̆ nao ƀơi Jakarta, Indonesia.

VOV4.Jarai-Mơguah tom brơi (5/9) ƀơi Ƀirô Ping gah, Khua git gai Ping gah dêh čar ơi Nguyễn Phú Trọng hơmâo tŭ jum ơi Lưu Kiến Siêu, Ding kơna Ping gah dêh čar, Khua anom bruă pơlăi nao rai bruă pơtom hiăp Ping gah Cộng sản Khač glăk rai čuă hăng mă bruă ƀơi Việt Nam.

VOV4.Jarai – Tô̆ tui jơlan hơdră mă bruă ƀơi Gia Lai, mơguah lơ 5/9, ƀơi plơi prong Plei Ku, Khua mir sir dêh čar ta, ơi Võ Văn Thưởng nao čuă hăng mă bruă ƀơi Binh đoàn 15 – anom bruă hmâo giăm truh 40 thun ngă tui bruă pơdŏng hơdôm Kual bơwih ƀong pơgang lŏn ia ƀơi kual Dap Kơdư hăng Dơnung tơring čar Quảng Bình.

VOV4.Jarai-Ƀrô nao jơnum hrŏm khua mua pơprong ASEAN tal 43 ƀơi Jakarta, Khua dêh čar ta ơi Phạm Minh Chính hơmâo bưp hăng bơkơtuai hăng Khua mir sir Indonesia, ơi Joko Widodo.

VOV4.Jarai-Mơguah lơ 5/9, djop djang anih amăng dêh čar, čơđai sang hră hok mơak nao hrăm hră thun hrăm phrâo 2023-2024.

VOV4.Jarai-Yak nao amăng thun hrăm phrâo 2023-2024, hrŏm hăng bruă pơhlôm klă tơlơi pơtô hrăm, anom bruă pơtô pơjuăt tơring čar Dak Lak hrŏm hăng anom bruă kơnuk kơna amăng tơring čar pơtum lu mơnuih mă bruă, gơnam yua prăp lui thun hrăm phrâo.

VOV4.Jarai – Mơmot lơ 4/9, ƀrô djơ̆ tal nao pơhmư̆ Jơnum gưl dlông ASEAN tal 43 hăng hơdôm bruă mă bơdjơ̆ nao ƀơi Jakarta, Indonesia, Khua dêh čar ta, ơi Phạm Minh Chính hmâo tŭ jum khua git gai hơdôm grŭp bơwih ƀong prong mơ̆ng Indonesia.

VOV4.Jarai - Hrơi pơdă prưng hơdôm pok rup mơng pô kač rup Xu-Man - anai lĕ mơnuih kač rup djuai ania Bahnar ƀơi sang djă pioh gru grua tơring čar Gia Lai glăk pơhưč tơlơi đing nao mơng lu mơnuih.

VOV4.Jarai – Ƀrô djơ̆ tal pok phun thun hrăm 2023-2024, Khua mir sir dêh čar ta, ơi Võ Văn Thưởng phrâo hmâo hră mơ-ĭt kơ Gơnong bruă pơtô pơhrăm.