Pơtum glăi hăng brơi pri hrăm hăng hla tui tơlơi pơmin pran jua Hồ Chí Minh
Thứ tư, 16:16, 27/12/2023
VOV/Siu H'Mai Pơblang
VOV/Siu H'Mai Pơblang
VOV4.Jarai - Mơguah lơ 26/12, ƀơi Hà Nội, Ding jum pơtô hăng pơjuăt git gai ngă hrŏm hăng Anom pơtô bruă Ping gah, Khul hlăk ai mut phung Hồ Chí Minh pơphun tum pơƀut, brơi pri tơlơi pơplông mơ̆ng ataih “Hlăk ai hrăm hăng hla tui tơlơi pơmin pran jua Hồ Chí Minh” thun 2023.
Anai jing thun tal 9 hơmâo pơplông kiăng pơtrut tui pran jua hrăm hăng hla tui wa Hồ amăng khul hlăk ai, čơđai sang hră amăng hăng gah rơngiao dêh čar. Tơlơi pơplông thun anai pơphun mơ̆ng lơ 11/9 truh lơ 26/11 pơplông ruah mă tơlơi čih djơ̆ amăng plang internet. Tơdơi kơ rơbêh 3 blan pơphun, tơlơi pơplông hơmâo rơbêh 2 klăk 100 rơbâo čô mơnuih pơplông.
Mơ̆ng tal blung a, truh kơ pơplông tong krah, anom pơphun pơplông hơmâo ruah mă 186 čô mơnuih hơmâo tơlơi pơplông djơ̆ hloh mut pơplông tal rơnuč. Ƀơi mông jơnum pơtum glăi hăng jao pri, 90 čô mơnuih rơgơi hloh hơmâo brơi pri Prong hloh, pri mrô dua, mrô klâo hăng mrô pă. Anom pơphun pơplông ăt brơi pri kơ grup 10 anom bruă pơtô hăng pơjuăt hơmâo lu mơnuih nao pơplông hloh.
Viết bình luận