Đĭ pơhiăp amăng mông jơnum, Khua dêh čar Phạm Minh Chính lăng bruă mă mơng kông ang thun 2023 hơmâo lu tơlơi dưi prong pơhmu hăng thun 2022. Khua dêh čar lăi pơtong, Ping gah, Kơnuk kơna đăogơnang, mơnuih ƀôn sang čang rơmang tơhan kông ang amra tŏ tui gru grua hing ang, “Yua kơ lŏn ia wơr pô, yua kơ mơnuih ƀôn sang ngă bruă”, “Kơnong thâo dŏ Ping gah dŏ ƀing gơñu”, “Kơdrưh ang lĕ hing ang, yôm phăn hloh” anai lĕ gru grua mơng pran gum pơgôp, ba gru, ba jơlan hlâo amăng ngă tui tơlơi črâo trun, hơdră bruă mơng Ping gah, Kơnuk kơna; gir run kơtang hloh, mă bruă khut khăt hăng abih pran djru brơi lŏn ia; djru brơi mơnuih ƀôn sang; djơ̆ hăng tơlơi pơsit tơhan phun, đăo gơnang, akĕ phĭ tui Ping gah, kơnuk kơna hăng mơnuih ƀôn sang.