Pơhiăp ƀơi mông jơnum, Khua pơ ala mơnuih ƀôn sang dêh čar, Vương Đình Huệ lăi pơtong, thun 2023, amăng hơdôm boh tơhnal dưi ngă hrŏm mơ̆ng anom bruă khua pơ ala mơnuih ƀôn sang dêh čar, hơmâo bruă gum hrŏm, djru pran jua prong biă mă mơ̆ng djop sang bruă pôr tơlơi pơhing. Djop anom bruă pôr tơlơi pơhing hơmâo ngă bruă beč bal, djơ̆ hơdră ba tơlơi pơhing djop, hmar, lu mơta bruă mă mơ̆ng sang bruă khua pơ ala mơnuih ƀôn sang dêh čar truh pơ mơnuih ruah khua hăng mơnuih ƀôn sang amăng dêh čar; pơgôp hrŏm pơđĭ tui tơlơi thâo hluh hăng dong yua mơ̆ng mơnuih ƀôn sang hăng jơlan hơdră pơtrun mơ̆ng ƀing pơ ala mơnuih ƀôn sang dêh čar; ba djop tơlơi phiăn, hră pơtrun mơ̆ng dêh čar, hră pơtrun mơ̆ng sang bruă khua pơ ala mơnuih ƀôn sang dêh čar, jơnum min apăn bruă phun pơ ala mơnuih ƀôn sang dêh čar dưi ngă tui sit nik amăng tơlơi hơdip mơda.

Hră pơhing phrâo pôr hmao kru, lăi pơthâo tong ten tơlơi kiăng bruă mă mơ̆ng djop anom bruă, djop gưl khua mua, mơnuih ƀôn sang ruah khua, mơnuih ƀôn sang amăng dêh čar laih anun tơlơi pơhing lăp đăo kơnang pioh kơ mơnuih ƀôn sang pô krăo lăng bruă mă ƀing pơ ala mơnuih ƀôn sang dêh čar, hơmâo tơlơi pơđing hmư̆ nao rai dua bơnah. Khua pơ ala mơnuih ƀôn sang dêh čar lăi pơtong, khua mua hăng djop anom bruă tơlơi pơhing khom pơđĭ tui bruă kơđi čar, đing nao pơtô hrăm boh tŭ yua ia rơgơi tơlơi kơhnâo kơ ƀing mă bruă čih tơlơi pơhing, dăp hơdră, pôr tơlơi pơhing ngă djơ̆ lăp hăng bruă jao, anăp nao hơdor glăi tal 100 hrơi pioh kơ bruă čih hră pơhing phrâo Việt Nam lơ 21/6/1925-lơ 21/6/2025.