VOV4.Jarai-Dêh čar Japan hăng Mi tŭ ư kơtưn ngă hrom lu hloh pioh pơgăn bruă ngă arăng pơblih tơlơi rô nao rai amăng kual Ấn Độ Dương-Thái Bình Dương hăng tơlơi kơtang phao kơtuang. Amăng mông bưp nao rai khua ding jum ling tơhan dêh čar Japan, ơi Kishi Nobuo ƀơi dêh čar Mi, Khua ding jum ling tơhan dêh čar Mi, ơi Lloyd Austin ƀuăn pok prong tơlơi kơtang phao kơtuang ayuh kơ dêh čar Japan nga gŏp gơñu. Lơ̆m anun, ơi Kishi Nobuo lăi, bruă yôm jai kơtang sit dua bơnah ngă hrŏm pioh pơgăn tơlơi pơhŭi kơ jai hrơi kơtang amăng bruă rô nao rai ră anai amăng ia rơsĭ.

Dua čô khua ăt lăi pơtong tơlơi rơnuk rơnua hăng hơđong ƀơi kual ia rơsĭ Đài Loan dêh čar Khač. Tal nao čuă dêh čar Mi mơ̆ng ơi Kishi Nobuo lĕ tal nao čuă blung a mơ̆ng ñu dơ̆ng mơ̆ng đĭ ngă khua ding jum ling tơhan dêh čar Japan blan 9 thun 2020.

Nay Jek: Pơblang