Ală ngai rềp ndo, tàm càr Dăk Lăk geh ală dơ̆ mìu ờ di kàl. Mìu tàm tơngai chi tam gam mŭt tàm tơngai geh bơkàu tơ̆t plai lơh uă cau lơh broă sa kơlôi rơcăng rơ̆p lơh gơrềng cồng nha lơh geh mờ bơta niam phan lơh geh bơh sươn sre, is ồn là tờm kơphê mờ sầu riêng, là ală tờm chi tam tờm cèng wơl priă jền lơh sa uă bơh ƀòn lơgar dê.

Tềng đăp bơta trồ tiah ờ bè ờs bè tŭ do, gah broă lơh sa sươn sre càr Dăk Lăk bơto sồr ƀòn lơgar mờ hìu làng bol lơh broă sa jăt sền sre mìr, rơcăng lài ală phan ngui, sơnơm tơm ba phơng sih nàng drơng mờ dơ̆ mìu lơh gơrềng tus chi tam. Gơ wèt mờ bă kơphê, sầu riêng gam geh bơkàu, tơ̆t plai kah rơcăng bàr pe bơta kòp bè kòp ồm plai, ñui nsồp, bung pơrhê. Tŭ do, ală anih lơh broă broă lơh ờs mờng crăp rơcăng bơto pơlam cau lơh broă sa ală broă lơh bơta chài tam phan jak chài nàng drơng mờ jơnau geh ngan mìu jŏ jòng uă ngan, tơrmù uă ngan rlau jơh jơnau digơlan gơrềng tus cồng nha lơh geh mờ bơta niam phan lơh geh bơh sươn sre dê.