Talkshow “Kơphê mờ jơnau broă” bơtòm tơrgùm 12 nă cau jak là đơng lam anih lơh broă ătbồ, tơrgùm ală mpồl, ală mpồl lơh sa kă bro tăc kơphê mờ lơgar ndai dờng tàm lơgar mờ ală lơgar, ală hìu chàng coh pơnrơ, bal mờ ală cau kơnòm lam lài lam bồ gùng dà tam gơl pa gah kơphê Việt Nam dê tus bal.

Khi bal mờ gơ̆p yal bè: Pơlam gùng bơtàu tơngguh kơphê bơkah pơnrơ is gơ jăt bal mờ ù tiah hùc dà kơphê “Buôn Ma Thuột- Anih tus kơphê dunia dê”; Gùng lòt tam gơl pa mờ bơtàu tơngguh kơphê bơkah pơnrơ is bơh lơh gơlik tus lơh gơs phan mờ tăc mờ lơgar ndai; Kơphê bơkah pơnrơ is- Tàm tơrbŏ rơnàng kơnòm să mờ tơnơ̆ do bơta kwơ ai kơphê Việt Nam in. Broă lơh talskhow “Kơphê mờ jơnau broă” ờ mìng là dơ̆ nàng ală cau gơboh kơphê in lùp bơsram mờ tàm lùp mờng chài mờ gam là bơnàng jă tàm tơrbŏ mpồl bơtiàn kơphê, chồl tơngguh bơta bơtàu tơngguh bơh gah kơphê bơkah pơnrơ is Việt Nam dê tàm tơnơ̆ do.