Jat Kụk Tam phan mờ Sền gàr phan tam, broă lơh tam bơrlŭ kơphe mờ tiêu, sầu riêng tŭ do gam geh làng bol lơh broă sa ală càr Tây Nguyên ngui nàng ngui ù tiah mờ tơnguh priă lơh geh. Broă lơh do ai gŏ cồng nha cèng wơl loh làng ngan, tơrmù bơta kơn jơ̆ kòp tu sa aniai mờ tơnguh bơta li la siñ họk. Bulah bè hơ̆, tàm uă tiah, làng bol kung gam mìng tam kơphe lơh tờm chi tam ƀuơn gơtìp aniai tềng đap ală bơta kòp, tu. Ai gơ wèt mờ broă lơh tam bơrlŭ, neh geh uă làng bol lơh broă sa ờ hềt git ngui sơnơm sền gàr phan tam bè lơi gơ in dipal.

Lòt sền tàm ală càr Kon Tum, Dăk Lăk, Lâm Đồng ai gŏ, ală broă lơh siñ họk ờ huan geh ngui. Jơnau pơhìn jơngkah sơnơm rlau mờ khà geh ai kung gam gơlik geh. Cribơyai kơphe gùt plai ù hơ pơrgon dong kờl bơta chài măi mok mờ pơlam dipal mờ jơnau sồr ală lơgar dê, dong gah lơh kơphe Tây Nguyên bơtàu tơnguh kơ̆ kơljap mờ mut gơ rờm bal uă tàm mpồl tac phan gùt plai ù.