K'HO.VOV.VN - Lơh jat gùng dà broă lơh bơh Đảng, adat boh lam Dà lơgar dê bè broă jơi bơtiàn, gàr niam tơl làm gơnoar kòn bơnus ai làng bol jơi bơtiàn dồ ết nă cau in; tàm ală tiah kơh bơnơm, bơh uă nam do, broă lơh yal tơngĭt, bơto bơtê adat boh lam neh geh lam lơh mờ uă tơngume li la uă ngan; ngan ngồn, nàng kờñ tơnguh uă bơta gĭt wă adat boh lam ai làng bol jơi bơtiàn dồ ết nă cau in, mơkung ai tơl bơta ai lơh sa- mpồl bơtiàn tàm tiah do in ngai sơlơ bơtàu tơnguh.

K'HO.VOV.VN - Drim òr (21/10), tàm pơrjum dơ̆ 8, Quôk hội khoă XV, ala mat Cíñ phủ, Thủ tướng Cíñ phủ ồng Phạm Minh Chính neh yal cồng nha lơh jat broă rơndăp lơh bơtàu tơnguh lơh sa- mpồl bơtiàn nam 2024, kờp dŭ lài broă rơndăp lơh bơtàu tơnguh lơh sa mpồl bơtiàn nam 2025.

K'HO.VOV.VN - Mho mang 20/10, Tổng Ƀí thư, Củ tịc lơgar ồng Tô Lam tus bal mờ đơng lam dơ̆ tìp măt mờ kwang đơng lam bồ ală anih lơh broă Cíñ trị tàm lơgar kâp Dà lơgar.

K'HO.VOV.VN- Drim do (21/10), tàm Hà Nội, sơnđờm mut pơrjum yŭ rơyùm pơrjum dơ̆ 08, Quôk hội khoă XV.

K'HO.VOV.VN- Bơh broă lơh Mpồl lơh broă bal “Oh mi Koho Coffee” bơh oh mi cau ùr kòn cau K’Ho tàm xã Đinh Trang Hòa, pà gŏ bơta kơ̆p kờñ sơnđờm mut lơh broă, bơceh lơh bơh cau ùr dê là pràn kơl dang ngan. Den tàng, ală mpồl cau ùr tàm tiah do dê tă pơgồp gơnoar mbè lơi tàm srơh do? Bi Ndong Brawl, Cau lơh ƀăo Anih jơnau đơs Việt Nam lơh broă sùm tàm tiah Tây Nguyên lùp mò Ka Hương, Phó Củ tịc Mpồl tam klăc cau ùr kơnhoàl Di Linh, càr Lâm Đồng bè broă lơh do dê.

K'HO.VOV.VN - Lòt jòi bơsram is làm uă tiah, bulah tìp uă kal ke, mơya dồ mpồl cau ùr kòn cau K’Ho tàm xã Đinh Trang Hoà, kơnhoàl Di Linh, càr Lâm Đồng neh tơnggơs Mpồl Lơh broă bal lơh kơphê sàng goh, kơphê hữu kơ sơnđan măt “Oh mi Koho Coffee”. Mờ măt sơnđan “Oh mi Koho Coffee” gơ ơn prăp bềng nùs nhơm kờñ gơboh, bơta pràn tam klăc bal, bơceh lơh, ală cau ùr kòn cau K’Ho să jan hàng bơnĕ mờ ngăc ngar ngan tàm tiah kơh bơnơm Di Linh neh ai tơlik măt ală phan bơna kơphê bơkah pơnrơ is niam sàng goh ngan ai pràn kơldang să jan in.

K’Ho- Mang òr (18/10), tàm kơnhoàl Kim Bôi, càr Hoà Bình, Phó Củ tịc lơgar mò Võ Thị Ánh Xuân neh tus Pơrjum tơnkah 60 nam ngai Wa Hồ tus còp, lơh broă mờ huyện ủy kơnhoàl Kim Bội (19/09), 65 nam ngai crơng gơs Kơnhoàl Kim Bôi mờ dờp Huân cương Lơh broă khà Pe.

K’Ho- Tàm dơ̆ tus còp mùl màl lơgar Lào mờ tus Pơrjum dờng AIPA-45, drim òr (18/10), tàm càr lơgar Vientiane, lơgar Lào, Củ tịc Quốk hội ồng Trần Thanh Mẫn neh geh dơ̆ tìp măt Kấp dờng Tổng Ƀí thư Mpồl duh broă Đảng Làng bol kăc màng lơgar Lào, Củ tịc lơgar Lào ồng Thongloun Sisoulith.

K’Ho- Ală nam do, Cơl dŭ lơh broă Ngân hàng Cíñ sác xã hội kơnhoàl Krông Pa, càr Gia Lai neh rơcang geh priă càn sa priă cồng ờ uă, ai geh bơta nàng Làng bol in càn priă bơtàu tơnguh lơh sa.

K'HO.VOV.VN - Mho ngai 18/10, tàm Hìu duh broă Củ tịc, Tổng Ƀí thư, Củ tịc lơgar ồng Tô Lâm jàu Jơnau lơh nền pồ Kwang ătbồ Anih lơh broă ala măt lơgar Việt Nam tàm ală lơgar mờ Mpồl ală lơgar tơngai lơh broă bơh nam 2024- 2027.