Mpồl duh broă Làng bol càr Dăk Lăk neh ring bal Jơnau lơh nền tàm pơrjum bè crơng gơs pa 6 sờh, tàm hơ̆ geh: Sờh Broă dơlam is, Sờh Priă jền, Sờh Broă lơh sa suơn sre mờ Tiah ơm kis, Sờh Bơ̆t bơtàu, Sờh Jak chài mờ Măi mok pa, Sờh Jơi bơtiàn mờ Pin dờn Jăt yàng, mờ tơn jơh lơh broă gơwèt Sờh lơh broă mờ lơgar ndai.

Tơnơ̆ mờ tŭ rơndăp tăp sèng, càr Dăk Lăk geh tai 13 anih lơh broă tờm gơwèt Anih duh broă Làng bol càr. Mpồl duh broă Làng bol càr Dăk Lăk kung ring bal Jơnau lơh nền tàm pơrjum tơn jơh lơh broă Mpồl Jơi bơtiàn (gơwèt Mpồl duh broă Làng bol càr). Tơnơ̆ tŭ rơndăp tăp sèng, Mpồl duh broă Làng bol càr Dăk Lăk geh 3 Mpồl lơh broă, tàm hơ̆ geh: Mpồl Lơh sa – Kes priă; Mpồl Lơh jăt adăt boh lam; Mpồl Niam chài Mpồl bơtiàn. Kung tàm pơrjum do, Mpồl duh broă Làng bol càr Dăk Lăk neh ring bal Jơnau lơh nền tàm pơrjum nàng lơh wơl, bơtơl ờ uă khà broă, kơnòl broă bơtàu tơnguh lơh sa mpồl bơtiàn nam 2025 mờ jơnau kờñ gơguh lơh sa geh 8% rơlao hờ đang.