Tàm dơ̆ jàu khà jờng, Mpồl ai điểm dar dut ndơl neh yal Mpồl sồr lơh dơ̆ pơrlòng in lơh nền jàu 6 khà A, 13 khà B, 18 khà C, 10 khà jờng mìng dùl tơngume mờ 35 khà pơn jờng ai ală jơnau pơrlòng jak ngan in. Tàm hơ̆, Anih jơnau đơs Việt Nam dờp 1 khà A, 1 khà C mờ 3 khà pơn jờng. Đơs tàm dơ̆ bơyai lơh, Tổng Ƀí thư ồng Tô Lâm đơs sùm, Pơrjum dờng cau ala mat gùt lơgar dơ̆ XIV bơh Đảng dê là tŭ tơngai gơ klŏ gơ crà pa tàm tŭ tơngai 96 nam Đảng đơng lam kac màng Việt Nam, cồng nha lơh geh niam ngan bơh pơrjum dờng dơ̆ XIV dê neh ai tơnggŏ bơta kơp kờñ, bơta pin dờn, nùs nhơm lơh ngan mờ broă rơndap lơh bơtàu tơnguh pa bơh Đảng mờ jơi bơtiàn he dê.

Kung tàm dơ̆ bơyai lơh, Tổng Ƀí thư ồng Tô Lâm, Thủ tướng ồng Phạm Minh Chính, Củ tịc Quôk hội ồng Trần Thanh Mẫn bal mờ ală kwang đơng lam bồ Đảng, Dà lơgar neh jàu pà rùp pơrya mờ sră jờng rơ pà ală cau, mpồl cau geh jơnau pơrlòng geh khà jờng Mut mơ̆ rơmit nam 2025 in mờ 96 nă ală ƀí thư ci ƀộ jak ngan tàm gùt lơgar in, mờ kung lam lơh dơ̆ pơrlòng mut mơ̆ rơmit dơ̆ XI nam 2026.