Goàng bơkào Mpồl geh jơnau cih “Rài rài kah ưn ngài Củ tịc Hồ Chí Minh jăk chài ngan”. Tàm nùs nhơm niam nền nòn, ală kwang bàng tơlik nùs nhơm ki ngàm, kah tus broă lơh dờng màng bơh Củ tịc Hồ Chí Minh – cau bơceh lơh, đơng lam mờ bơsram tàp Đảng Kộng sản Việt Nam, mpồl lam lài bơh cau lơh phan, làng bol lơh broă bal mờ jơi bơtiàn Việt Nam dê.

Dơ̆ ies geh bơyai lơh tàm bơta gùt lơgar chờ gờm cồng nha Pơrjum dờng cau ala măt gùt lơgar dơ̆ XIV Đảng dê, tơnguh nùs nhơm pin dờn mờ kơ̆p kờñ bơh làng bol dê. Tềng đăp mờ broă đơng lam bơh Đảng, gùt làng bol, gùt ling klàng lơh ngan lơh geh cồng nha Jơnau lơh nền tàm Pơrjum dờng dơ̆ XIV, bơ̆t bơtàu dà lơgar ring lơngai, khăt gơboh, làng bol lơh tờm, pas gơs, pràn kơl dang, gơguh jăk, gơboh gơbài.