Tàm tơngu me ală khà broă, jơnau kờñ geh rơwah, càr Gia Lai geh bơyai lơh broă Lòt nhơl dà lơgar do. Mờ tơngu me “Càr Gia Lai – Brê bơnơm dờng tìp bal mờ dà lềng tơlir”, Nam Lòt nhơl dà lơgar 2026 ai tơngŏ jơnau yal tơrbŏ ndrờm bal đah brê bơnơm mờ bồt dà lềng, đah ù tiah geh is mờ bơta niam chài, đah broă prăp gàr mờ bơtàu tơnguh kơl jăp.

Jăt Mpồl bơyai lơh, broă lơh do kờp dŭ geh 244 broă lơh lòt nhơl, niam chài, tàp pràn să jan geh bơyai lơh sùm gùt nam, mờ broă tus bal bơh Ƀộ Niam chài, Tàp pràn să jan mờ Lòt nhơl, càr Gia Lai mờ 22 càr, ƀòn dờng tàm gùt lơgar; ală broă lơh geh lơh jăt tơngu me tơl quý, gàr niam broă lơh pal geh sùm, uă bơta mờ niam bơnĕ.