Sơn đờm lam lơh bơh ngai 05/02/2025 di tơngkah kir sơnrai 95 nam Ngai crơng gơs Đảng, dơ̆ pơrlòng neh gơ gơs dơ̆ pơrjum cíñ trị, bồ tơngoh jrô ơnàng, lơh gơlik nùs nhơm tàm pơrlòng tàm jơh gùt mpồl bơtiàn mờ ling klàng. Mpồl bơyai lơh neh dờp rlau 8 rbô jơnau cih gơwèt 5 bơta là cribơyai jơnau, phóng sự, jơnau yal, rùp sră ƀău mờ sră ƀău uă bơta; uă jơnau pơrlòng geh bơta niam, bềng bơta tam lơh. 

Mpồl duh broă dar sơn rờp neh rơ wah mờ tơmut tàm dar dut ndơl 116 jơnau pơrlòng mờ jàu khà jờng ai 66 nă cau, mpồl cau geh jơnau pơrlòng jak ngan in, geh 5 khà A, 11 khà B, 25 khà C mờ 25 khà pơn jờng; jàu sră jờng rơ pà 10 mpồl cau geh cồng nha jak ngan tàm broă bơyai lơh mờ lam lơh dơ̆ pơrlòng. Tàm dơ̆ bơyai lơh, ală cau, mpồl cau geh khà jờng neh geh jờng rơ. Tổng Ƀí thư ồng Tô Lâm mờ Đại tướng ồng Phan Văn Giang, Ƀộ trưởng Ƀộ Ling klàng jàu khà A ai 5 jơnau pơrlòng jak ngan rlau jơh dơ̆ pơrlòng in.