Lài hơ̆, pơrjum cribơyai dơ̆ 1 ring bal khà cau ala mat Quôk hội geh pồ tàm càr là 15 nă, geh 6 nă cau ala mat bơh dà lơgar yal tơnggit mờ 9 nă cau ala mat bơh càr yal tơnggit, kờp jơh khà cau geh yal tơnggit tơlik mat tĕ khà kờp dŭ là 28 nă.

Bơh bơta tam pà, Mpồl duh broă sùm Anih duh broă mặt trận dà lơgar Việt Nam càr neh pơyua jơnau yal tus 17 anih lơh broă, mpồl lơh broă, mpồl bal nàng yal tơnggit 22 nă cau. Tus 5 jơ mho ngai 25/01/2026, Mặt trận dà lơgar càr neh dờp wil tơl sră nggal jat jơnau sồr. Pơrjum ring bal mat bơh sơn rờp 22 nă cau mờ cribơyai ală broă pal kah tŭ ai jơnau đơs cau tĕ khà tiah ơm kis, tiah lơh broă. Đơs tàm pơrjum, mò Cao Thị Hòa An, Kwang geh jơng Đảng dà lơgar, Phó Ƀí thư Duh broă sùm Tỉñ ủy càr, Củ tịc Mpồl duh broă Làng bol càr, Củ tịc Anih duh broă tĕ khà càr Dăk Lăk sồr Mpồl duh broă sùm Anih duh broă Mặt trận dà lơgar Việt Nam càr pơn jat tai pơgồp bal nền nòn mờ ală anih lơh broă geh gơ rềng, lam lơh di broă rơndap lơh ală broă cribơyai pơn jat tai, gàr ring bal jơnau đơs, song dơpă, di tơngai hơ pơrgon mờ di jơnau cih adat boh lam dê.