Đơs tàm dơ̆ sơnđờm ai mut ngui, Củ tịc lơgar ồng Lương Cường đơs nền, do là broă lơh geh kwơ is ồn, ờ mìng lơh tềl  broă lơh lơh sir ai mut ngui dùl broă lơh bơt bơtàu kwơ màng lơm, mờ gam tơngŏ bơta tam klăc niam ngan đah bơhiàn ờs mờng kah yau bơh kăc màng Việt Nam dê, mờ jơnau sồr bơt bơtàu Dà lơgar gơnoar adat boh lam sàh hội củ nghĩa Việt Nam tơngai pa, kơnhăp pràn, Dà lơgar Làng bol, bơh làng bol, tài làng bol tàm tơngai bơtàu tơnguh pa bơh jơi bơtiàn Việt Nam dê.

Nàng broă lơh geh atbồ, ngui geh cồng nha, Củ tịc lơgar sồr Cơldŭ lơh broă Củ tịc lơgar là mpồl lơh broă dờp tàm jàu, atbồ đơng lam pơgồp bal mờ Cơldŭ lơh broă Đảng Dà lơgar, ƀòn dờng Hà Nội, cau bơyai lơh dờp, atbồ, ai lơh broă, ngui geh cồng nha, lơngăp lơngai, jŏ jòng broă lơh dê. Tàm dơ̆ ai mut ngui, Tổng Ƀí thư ồng Tô Lâm mờ Củ tịc lơgar ồng Lương Cường bal mờ ală oh mi đơng lam bồ, lài do là đơng lam bồ Đảng, Dà lơgar neh lơh jat broă lơh koh biài sơnđờm ai mut ngui broă lơh Hìu lơh broă Anih lơh broă Củ tịc lơgar.