Ƀộ ai tơlik gùng dà broă lơh Ling klàng làng bol Việt Nam lòt sền broă lơh rơcang pơlam tàp tàm Lữ đoàn ling tam lơh jak chài is ồn 198
Thứ tư, 16:06, 04/02/2026
Cau mblàng: K'Duẩn/ VOV
Cau mblàng: K'Duẩn/ VOV
VOV.K’Ho – Ngai 03/02, tàm càr Dăk Lăk, Mpồl lơh broă bơh Ƀộ ai tơlik gùng dà broă lơh Ling klàng làng bol Việt Nam bơh Trung tướng ồng Nguyễn Bá Lực, Phó Kwang lam bồ ai tơlik gùng dà broă lơh lơh kwang lam bồ mpồl neh lòt sền broă lơh rơcang pơlam tàp nam 2026 tàm Lữ đoàn Ling tam lơh jak chài is ồn 198 – gơ wèt Mpồl ling tam lơh jak chài is ồn.
Bơh lòt sền, Trung tướng ồng Nguyễn Bá Lực cih dờp mờ đơs niam nùs nhơm rơcang lài, bơta jơh nùs bơh kâp ủy, đơng lam Lữ đoàn 198 tàm broă lơh rơcang pơlam tàp. Ală tơngume geh rơcang pơlam tàp di mờ jơnau sồr kơnòl broă, gàr niam bơta ngac ngar, jak chài mờ lơngăp lơngai. Ồng Nguyễn Bá Lực sồr Lữ đoàn pơn jat tai kờp sền, lơh sir anih pơlam tàp, ƀlàng tàp, sền gròi pơlam tàp ndrờm bal, jrô ơnàng, di mờ bơta mùl màl kơnòl broă, gàr niam lơngăp lơngai tàm jơh ală bơta bè kòn bơnus mờ phan tam lơh.
Di nam pa, Trung tướng ồng Nguyễn Bá Lực nting bơr kwang bàng, cau ling Lữ đoàn Ling tam lơh jak chài is ồn 198 tam klac bal, bơsong kal ke, tàm pơrlòng pơlam tàp jak, rơcang lài tam lơh uă, lơh gơs niam tơl kơnòl broă geh jàu tàm nam 2026.
Viết bình luận