Tàm dơ̆ wă, Thủ tướng ồng Phạm Minh Chính gờm chờ mpồl ală mpồl lơh sa kă bro Thụy Sĩ mờ câu Âu tus Việt Nam tơnơ̆ tŭ Việt Nam bơyai lơh geh cồng nha Pơrjum dờng cau ala mat gùt lơgar dơ̆ XIV bơh Đảng dê, ai tơlik broă rơndap lơh wèt tus tơngai 100 nam ngai crơng gơs Đảng mờ 100 nam ngai crơng gơs dà lơgar. Mờ jơnau đơs “Cíñ phủ bơt bơtàu, mpồl lơh sa kă bro lam lài, dà lơgar – nă să is lòt bal, dà lơgar bơtàu tơnguh, mpồl lơh sa kă bro mờ làng bol gơboh gơbài”, “ờ gŏ di đơs ờ, ờ gŏ di đơs kal ke, ờ gŏ di đơs geh mờ ờ lơh”, Thủ tướng kơp kờñ mpồl lơh sa kă bro lơgar Thụy Sĩ mờ câu Âu lơh broă bal mờ Việt Nam nàng: “bal mờ gơp iat mờ wă wờng đah mpồl lơh sa kă bro mờ dà lơgar bal mờ làng bol; bal mờ gơp tam pà bal broă rơndap lơh mờ broă lơh nàng lơh broă bal, dong kờl gơp bơtàu tơnguh mhar mờ kơnhăp kơ̆; bal mờ gơp lơh, bal mờ gơp lơh geh, bal mờ gơp dờp kuơ, bal mờ gơp bơtàu tơnguh; bal mờ gơp geh bal bơta chờ hờp, gơboh gơbài mờ bơta pơn yờ să”.