Tàm dơ̆ wă, 2 nă kwang đơng lam bồ ring bal 2 lơgar kờñ pal bơt bơtàu bơta gĭt gơ̆p mờ nùs nhơm pin dờn cíñ trị, ai lơgar Việt Nam mờ Jordan gơs ală lơgar lơh broă bal pin dờn lam lài bal mờ gơ̆p tàm tơl tiah dê, lam lơh geh ngan ngồn geh cồng nha mờ lơh ngan ngồn ală jơnau hơ, jơnau ring bal đah 2 gah, sơlơ tơnguh tai lơh broă bal bè sền gàr dà lơgar- lơngăp lơngai, lơh sa, bơtàu tơnguh kơnhăp kơ̆.

Bè ală broă ală lơgar mờ tàm tiah do dê, 2 gah ring bal sơlơ tơnguh tai kờñ bal mờ gơ̆p mờ pơgồp bal bè nùs nhơm tàm ală bơta sền dờng màng lơngăp lơngai is, gơnoar tờm, tơl làm kơnhoàl ù tiah bơh ală lơgar, bơsong ală bơta tam pìt tàm phà mờ broă lơh ring lơngai, bơh dơ̆ tìp mat tơm bơh bơr jat tàm bơnàng jă adat boh lam ală lơgar mờ Sơnoa boh lam Liên hợp quôk dê.