Thủ tướng đơs sùm tàm bơta ală lơgar gơtìp kal ke tŭ do, lơgar Việt Nam sùm bal mờ lơgar Cuba, tam pà bal broă lơh mờng chài mờ dong kờl lơgar Cuba sơrlèt mờ kal ke, tơnguh bơta pràn lơh lơgar Cuba dê nàng bơtàu tơnguh bal.

Thủ tướng Cíñ phủ sồr bàr gah tơnguh broă tàm pơgơl mpồl kwang bàng ală kấp; pơgồp bal nền nòn lơh jăt ală jơnau ring bal kấp dờng neh lơh geh tàm dơ̆ tus còp lơgar Cuba bơh Tổng Ƀí thư, Củ tịc lơgar ồng Tô Lâm tàm nhai 9 nam 2024. Ƀộ trưởng Ƀộ Cri bơyai broă mờ lơgar ndai lơgar Cuba tơlik nùs nhơm ưn ngài uă ngan bơh Đảng, Dà lơgar bal mờ làng bol lơgar Cuba dê bè nùs nhơm tam klăc bal mờ broă dong kờl mùl màl bơh lơgar Việt Nam dê tàm tơngai pa do, tàm hơ̆ uă ngan tàm gah lơh sa suơn sre mờ tơl phan sa. Bàr gah ring bal pơgồp bal lơh niam, lơh geh cồng nha ală broă lơh nàng ai bơta git gơ̆p lơh sa, kă bro phan, bơcri priă mờ uă gah broă lơh broă bal bơtàu tơnguh di pal mờ bơta git gơ̆p cíñ trị kwơ màng, drơng mùl màl ai broă bơtàu tơnguh bàr lơgar in.