VOV4.K'Ho- Lơh jăt jơnau sồr bơh Thủ tướng Cíñ phủ dê, ală kấp, ală gah lơh broă tàm càr Dăk Lăk gam lơh ngan lơh jăt ală broă lơh nàng lơh mhar tŭ tơngai lơh rơndăp broă lơh gùng rơndeh lòt mhar Khánh Hoà – Buôn Ma Thuột. Ală ngai bồ nam pa 2025, geh bal Satềp Tây, git nđờ rơbô nă cau lơh phan tàm tiah lơh broă do kung gam sơl jơh nùs jơh tồr ngan lơh broă. Jơnau kờñ, tus lồi nam 2025 lơh gơs 68 kơi sồ sơnrờp ngan bơh Rơndăp broă lơh gơl gùng rơndeh lòt mhar Khánh Hoà – Buôn Ma Thuột, pơgồp bơnah tàm broă chồl tơngguh lơh sa- mpồl bơtiàn ai tiah Tây Nguyên in.

VOV4.K'Ho- Satềp bơhiàn dà lơgar dê nam Ất Tỵ 2025 gam mờr tus, uă hìu lơh, mpồl lơh sa kă bro tàm càr Dăk Lăk gam lơh pràn broă lơh mờ ai geh phan kă bro nàng di pal mờ jơnau kờñ gơguh uă bơh drà kă bro dê.

VOV4.K'Ho- Drim òr (02/01), tàm Hìu duh broă Củ tịc lơgar, Củ tịc lơgar ồng Lương Cường neh jào Jơnau lơh nền pồ grăt Kwang atbồ anih lơh broă ala măt lơgar Kộng hoà xã hội Củ nghĩa Việt Nam ai ală kwang bàng, kông cứk bơh Ƀộ Cri bơyai broă mờ lơgar ndai dê nam 2024.

VOV4.K’Ho- Tàm càr Kon Tum, srơh “Cau ling yau dong bal mờ gơ̆p tơrmù rƀah, lơh sa jak” lơh gơrề uă ngan tàm uă broă: tam phan, ròng phan, drơng broă, lơh gơlik phan lơh geh bơh broă lơh sa suơn sre dong ală cau ling yau bơtàu tơnguh rài kis mờ dong kờl cau tàm mpồl geh rài kis kal ke brồ guh lik klàs rƀah kơ̆ kơl jăp.

VOV4.K’Ho- Tàm Hà Nội, Mpồl Broă cíñ trị tàm dơlam Dà lơgar bơyai lơh pơrjum pờ tơn tàm internet tàm tơrbŏ tus ală anih tàm tơrbŏ tàm jơh gùt lơgar tơn jơh broă lơh Gah broă cíñ trị tàm dơlam Đảng mờ broă lơh bơh Mpồl Sồr lơh rơcăng dră wơl sa kwề sa kwà, pơhì pơhà, ờ niam kâp càr nam 2024, gùng dà broă lơh mờ kơnòl broă nam 2025.

VOV4.K’Ho- Di dơ̆ tơngkah kir sơnrai 80 nam ngai tơnggơs Mpồl ling klàng Làng bol Việt Nam mờ 35 nam ngai Chờ jơh gùt làng bol sền gàr dà lơgar, tàm Hìu Quôk hội dê, Củ tịc Quôk hội ồng Trần Thanh Mẫn neh tìp măt Mpồl cau ala măt cau geh màng mờ dà lơgar Mpồl ling dimơ 271, Ling tiah Trị Thiên.

VOV4.K’Ho- Tàm pơrjum mìng dùl tơngume dơ̆ 16, khoă 10, tơngai bơh nam 2021-2026, Mpồl duh broă Làng bol càr Dăk Lăk neh ring bal 2 Jơnau lơh nền tàm pơrjum kwơ màng geh gơrềng tus gah lơh sơnơm mờ broă lơh mpồl bơtiàn tàm ù tiah càr dê.

VOV4.K’Ho- Lơh jat jơnau sồr bơh Thủ tướng Cíñ phủ, broă lơh lòt jòi bơsong jơnau gơ lời wơl dơ̆ rềs àr lơh broă is ồn kơn jơ̆ ngan gơlik geh tàm tiah lơh broă bơt bơtàu Hìu măi đèng dà Đăk Mi 1, xã Đăk Choong, kơnhoàl Đăk Glei, càr Kon Tum kung gam geh mhar ngan lơh.

VOV4.K’Ho- Càr Gia Lai gam lơh jăt ală broă tam gơl pa pràn kơldang tàm rơndăp mờ rơndăp tăp sèng mpồl lơh broă sră pơ àr gơnoar ătbồ dê jăt nùs nhơm Jơnau lơh nền tàm pơrjum sồ 18 bơh Mpồl Duh broă Đảng Dà lơgar khoă XII dê, nàng kờñ tơrmù anih lơh broă tờm mờ tơngguh uă jơnau gơtùi, cồng nha lơh broă.

VOV4.K’Ho- Nam pa do tiah Tây Nguyên geh bơyai lơh uă broă lơh cíñ trị, lơh sa mpồl bơtiàn kwơ màng bơh gùt tiah do dê.