Dơ̆ tus còp geh kơ̆p kờñ lơh nền nòn rơlao bơta git gơ̆p đah bàr lơgar, ai bơnàng jă nàng ai bơta git gơ̆p do bơtàu tơnguh tàm bơta dờng pa. Dơ̆ tus còp bơh ồng Christopher Luxon dơ̆ do gam là dơ̆ kwơ màng nàng bàr gah sền wơl tơngai lơh broă bal, git gơ̆p lơh bơyô bal jŏ jòng pa do, nàng ai geh gùng dà broă lơh jŏ jòng tàm bơta git gơ̆p đah bàr lơgar dê tàm tơngai jŏ jòng mờr tus.

Do gam là dơ̆ tus còp sơnrờp ngan cíñ phủ tơrgùm bal tàm lơgar New Zeanland, mờ broă ai lài lơh broă bal mờ lơgar ndai là tơnguh bơta git gơ̆p mờ mpồl ASEAN mờ ală lơgar tàm đah jum măt tơngai lik câu Á, tàm hơ̆ geh lơgar Việt Nam là dùl tàm ală lơgar lơh broă bal kwơ màng lài ngan. Tàm dơ̆ tus còp, Thủ tướng ồng Christopher Luxon rơ̆ geh dơ̆ cri bơyai mùl màl mờ Thủ tướng Cíñ phủ ồng Phạm Minh Chính, tus còp ală kwang bàng kấp dờng tàm Đảng, Dà lơgar mờ Quốk hội mờ còp mờ uă hìu lơh sa, niam chài, bơto bơtê mờ bơsram tàm Hà Nội mờ ƀòn dờng Hồ Chí Minh.