Thủ tướng đơs, tơnơ̆ mờ 76 nam crơng gơs mờ bơtàu tơnguh, Anih bơsram mờ kơlôi sơnơng lơh sơnơm Ling klàng neh ai tơngŏ gơnoar là dùl tàm ală hìu bơsram đại họk lơh sơnơm pơnrơ ngan, tàm hơ̆ uă ngan là tàm broă bơto cau lơh broă lơh sơnơm jăk, kơlôi sơnơng tàm broă lơh sơnơm ling klàng, tam jào ngui măy mŏk gah lơh sơnơm mờ là anih tờm sơm geh bơta ƀă tàm uă.

Ală rơnàng cau pơgru mờ cau bơsram tàm Anih bơsram mờ kơlôi sơnơng lơh sơnơm Ling klàng neh lơh pơnyờ să ngan ai gah lơh sơnơm Ling klàng kung bè gah lơh sơnơm dà lơgar dê. Thủ tướng đơs loh, tàm tơngai tus, Anih bơsram mờ kơlôi sơnơng lơh sơnơm Ling klàng pal bơtàu tơnguh sùm mờ gơnoar broă là dùl tàm ală hìu bơsram đại họk lơh sơnơm khà dùl lơgar Việt Nam dê, là dùl hìu bơsram Đại họk tờm Dà lơgar dê; gơs anih tờm bơto, kơlôi sơnơng jak chài, bơtàu tơnguh mờ ngui ală măy mŏk gơguh jăk tàm ală gah broă lơh sơnơm ling klàng mờ gah lơh sơnơm bal bơh dà lơgar mờ ală lơgar dê.