Sơrlèt rlau 74 nam bơ̆t bơtàu mờ dờng kràñ, bơh dồ anih lơh sơnơm bơh sơnrờp, tus tŭ do Hìu sơnơm neh gơgơs anih tờm bơsram mờ kơlôi sơnơng jrô gah lơh sơnơm dê, hìu sơnơm dờng ngan rlau jơh kơnhoàl ù tiah dòr bơnơm tiah bơnơm đah Tô dà lơgar dê, là dùl tàm 6 hìu sơnơm khà Is ồn tàm gùt lơgar; lơh jăt niam ală kơnòl broă kham, sơm kòp, bơto, kơlôi sơnơng jak chài mờ lơh broă bal ală lơgar.

Kờp bal pah ngai, Hìu sơnơm Dà lơgar  Thái Nguyên kham, sơm kòp ai mờr 2 rbô nă cau kòp piam kòp tàm hìu in, 1 rbô 700 nă cau piam kòp tàm hìu sơnơm; pah nam kham pràn kơldang să jan ai pơgăp 200 rbô nă cau in. Tàm ală nam do, Hìu sơnơm neh sền swì ai lơh jăt uă jơnau neh lơh nền, kơlôi lơh măy mŏk; lam lơh jơh ală măy mŏk bơh hìu sơnơm khà Is ồn dê mờ là dùl tàm 15 hìu sơnơm bơh jơh gùt lơgar dê lơh tờm geh ală măy mŏk kal ke mờ jrô mìng gah lơh sơnơm dê.