Tàm nùs nhơm ki ngàm duh rơngòt ngan, mpồl cau ala măt pơnrơ “Hòi jà làng bol chài” bơh Mpồl ling klàng dê hơ mờ Wa Hồ pơn jăt tai lơh jăt geh cồng nha broă lơh hòi jà làng bol bơh Mpồl ling klàng dê tàm tiah làng bol jơi bơtiàn dồ êt nă cau mờ tiah kơh bơnơm; rề ơnàng ală pơnrơ “Hòi jà làng bol chài”; lơh sir jak ngan gơnoar broă mpồl ling klàng lơh broă bơh Mpồl ling klàng dê tàm rài pa, rài brồ să jơi bơtiàn dê.

Ală nam do, broă lơh hòi jà làng bol bơh Mpồl ling klàng dê tàm tiah làng bol jơi bơtiàn dồ êt nă cau mờ tiah kơh bơnơm geh ală mpồl lơh broă jơh gùt ling klàng lam lơh jăt ndrờm bal, tơl làm, geh pràn lơh gơrề làm uă. Kwang bàng, cau ling Mpồl ling klàng ờ ngòt bòl glar kal ke, kah hờ ƀòn lơgar, lơh jăt “4 bal” (sa bal, ơm bal, lơh bal, đơs bal dà đơs làng bol dê), pơgồp bal niam mờ kâp ủy, gơnoar ătbồ ƀòn lơgar, mblàng yal, hòi jà làng bol jơh nùs tus bal bơtàu tơngguh lơh sa- mpồl bơtiàn, bơ̆t bơtàu ală anih lơh broă cíñ trị tàm ƀòn lơgar kơnhăp pràn…Uă broă lơh, broă lơh tơrlòng lài niam, broă lơh bơceh lơh, geh cồng nha, geh kwơ cíñ trị- mpồl bơtiàn mờ niam chài kòn bơnus jrô ơnàng…neh lời wơl jơnau kah niam bơnĕ bè Cau ling Wa Hồ tàm nùs làng bol dê. Tàm dơ̆ yal cồng nha lơh geh ơn pơdơng Wa Hồ in, Anih duh broă Đơng lam Đảng Ling klàng Dà lơgar, Ƀộ Ling klàng neh pà phan ƀàn 35 mpồl cau in mờ 80 nă cau pơnrơ “Hòi jà làng bol chài” bơh Mpồl ling klàng dê tàm tiah làng bol jơi bơtiàn dồ êt nă cau mờ tiah bơnơm tơngai bơh nam 2019- 2024.