VOV4.K’Ho- Ngai òr (29/05), Quốk hội ai jơh ngai tơn nàng cri bơyai tàm hìu pơrjum dờng bè lơh sa, mpồl bơtiàn mờ kes priă dà lơgar nam 2023 mờ ală nhai bồ nam do.

VOV4.K’Ho- Tàm broă lơh lơh broă tàm Ninh Bình, Thủ tướng Cíñ phủ ồng Phạm Minh Chính pa còp mờ lòt sền bàr pe anih lơh sa- mpồl bơtiàn, broă lơh bơt bơtàu phan bơna tờm bơh tiah do dê.

VOV4.K’Ho- Lơh jat jơnau sồr bơh Tập đoàn Ồs đèng Việt Nam mờ Tổng Kông ty Ồs đèng tiah tàm gùl lơgar, drim ngai 29/05, Kông ty Ồs đèng Kon Tum bơyai lơh dơ̆ ai mpồl cau lơh broă lam lài dong kờl lơh gùng che ồs đèng 500KV đèng 3 bơh Quảng Trạch (càr Quảng Bình) tus Phố Nối (càr Hưng Yên).

VOV4.K'Ho- Ngai do (29/5), Pơrjum dơ̆ 7, Quôk hội khoă XV mut tàm ngai lơh broă dơ̆ 9, tơrgùm cribơyai tàm hìu pơrjum bè sền sơ wì, bơ tơl cồng nha lam lơh broă rơndap lơh bơtàu tơnguh lơh sa – mpồl bơtiàn mờ kes priă dà lơgar nam 2023; broă lam lơh broă rơndap lơh bơtàu tơnguh lơh sa – mpồl bơtiàn mờ kes priă dà lơgar ală nhai bồ nam 2024.

VOV4.K’Ho- Di “Nhai lơh broă tài kơnòm dềt”, mho òr (28/05), tàm Gơlang Củ tịc lơgar, Củ tịc lơgar ồng Tô Lâm tìp măt jờng rơ ală kơnòm dềt là kòn kwang àng chơ̆t màng mờ kòn dong kờl ròng siam mpồl cau ùr kwang àng, kòn ròng kwang àng xã mờ kòn ală kwang bàng cau ling kwang àng geh khà jờng rơ dà lơgar, ală lơgar dê.

VOV4.K’Ho- Drim ngai 28/05, Thủ tướng Cíñ phủ ồng Phạm Minh Chính tus bal Pơrjum yal Rơndăp ù tiah càr Ninh Bình tơngai bơh nam 2021- 2030, bơta wèt sền tus nam 2050.

VOV4.K’Ho- Drim ngai 28/05, Mpồl Lơh kơnòl broă sùm Tỉñ ủy càr Kon Tum neh bơyai lơh Dơ̆ yal mờ jàu Jơnau lơh nền (Kwê̆t địñ) bơh Ƀộ Cíñ trị dê ring bal jơnau dan pồ ồng U Huấn, Kwang bàng rơcăng lài tàm Đảng Dà lơgar ăt gơnoar broă Phó Ƀí thư Tỉñ ủy càr Kon Tum.

VOV4.K’Ho- Drim òr (28/05), Mpồl tam klăc cau ùr càr Dăk Lăk bơyai lơh pơrjum cribơyai tă pơgồp jơnau đơs Jơnau rơcang cih Adat rơcang lài kơryan, dră wơl kă bro kòn bơnus.

VOV4.K’Ho- Tàm dơ̆ pơrjum cribơyai “Tơnguh uă cồng nha lơh broă Dà lơgar nam 2024” bơh Tổng Liên đoàn Lao động Việt Nam bơyai lơh, Thủ tướng sồr, ală ƀộ, anih lơh broă, ală tiah tơrgùm wơl tơl làm ală jơnau đơs, jơnau dan bơh đoàn viên, cau lơh broă dê nàng lơh sir broă lơh, broă dong kờl.

VOV4.K'Ho- Drim òr (27/05), Phó Thủ tướng ồng Trần Hồng Hà đơng lam dơ̆ pơrjum tơn pơgồp bal mờ pờ tơlik tàm internet gùt lơgar bè jơnau rơcang cih Jơnau lơh nền bơh Cíñ phủ dê bè atbồ mờ lơh hìu ơm mpồl bơtiàn.