Ngan ngồn, tàm kờp jơh 134 nă cau dan rê rlô lơh broă, geh 92 nă Kông cứk, (tàm hơ̆ geh 83 nă cau rê rlô lơh broă lài mờ sơnam ai rê rlô, 9 nă cau ơm lơh broă), 35 nă viên cứk (31 nă cau dan rê rlô lơh broă lài mờ sơnam ai rê rlô, 4 nă cau ơm lơh broă) mờ 7 nă cau lơh broă dan rê rlô lơh broă lài mờ sơnam ai rê rlô.

Broă ală kwang bàng, kông cứk, viên cứk, cau lơh broă tàm Sờh Broă lơh sa suơn sre mờ Bơtàu tơnguh ƀòn lơgar càr Gia Lai dê dan rê rlô lơh broă jat Jơnau lơh nền bơh Cíñ phủ dê sồ 178 nàng kờñ wèt tus jơnau kờñ tơrmù  di pal, rơndăp tăp sèng mpồl lơh  broă, yờ tơnguh uă cồng nha lơh broă, gơtùi lơh broă bơh mpồl lơh broă dê tơnơ̆ tơmut bal tàm tơngai tus.