Đơs tàm pơrjum, Thủ tướng ồng Phạm Minh Chính đơs sùm, broă lơh jăt sền swì gơ wèt mờ Mpồl Lơh kơnòl broă sùm Tỉñ ủy càr, Thàñ ủy ƀòn dờng, geh: Ƀòn dờng Hồ Chí Minh, Bình Dương, Bà Riạ - Vũng Tàu là kơnòl broă kwơmàng, pal lơh dipal, lơh is, pal lơh niam broă lơh lòt sền, jăt sền, lơh jăt niam jơnau pal jăt đơng lam Đảng dê, jơnau pal jăt lơh broă Đảng dê, tàm hơ̆ geh broă lơh sền tìs di mờ sền tìs di is kờñ pal rơcăng lài, ngan là broă lòt sền ală kâp ủy đảng bơh kâp càr tus ƀòn lơgar, is ồn là bơh ƀòn lơgar tài làng bol là tàm ƀòn lơgar mờ jơnau kờñ dŭt ndơl bơh Đảng dê là gàr niam lơngăp lơngai rơndăp tăp sèng, niam lơngăp lơngai mpồl bơtiàn, sền gàr lơngăp lơngai is gơnoar tờm ù tiah tơl làm ù tiah dà lơgar dê, nàng làng bol in geh lơngăp lơngai, hờm ram, gơboh gơbài.

Thủ tướng sồr tơnơ̆ pơrjum do, ală tiah mhar cih jơnau yal jăt tơngume, geh bal ală sră nggal geh gơrềng, pơyua Mpồl Lòt sền in nàng kơlôi sơnơng; mơkung jàu kơnòl broă loh làng  ai ală mpồl, cau dồ nă să is in lơh anih tờm tàm yal tơnggĭt, pơgồp bal Mpồl Lòt sền in tàm ală tŭ lơh broă.