Jăt mờ hơ̆, ai bơh Jơnau lơh nền sồ 243 ngai 24 nhai 1 nam 2025 bơh Ƀộ Cíñ trị dê bè tơnggơs Đảng ƀộ Cíñ phủ, Đảng ủy Cíñ phủ neh ai lơh jăt ai lơh jăt ală Jơnau lơh nền tơng gơs 15 Đảng ƀộ gơwèt Đảng ƀộ Cíñ phủ, tàm hơ̆ geh Đảng ƀộ ală ƀộ, anih lơh broă: Sền gàr adăt boh lam, Lơh sa mờ măy mŏk Kă bro phan, Niam chài, Tàp pràn să jan mờ Lòt nhơl, Cri bơyai broă mờ lơgar ndai, Lơh sơnơm, Bơto bơtê mờ Bơsram, Priă jền, Bơ̆t bơtàu, Broă lơh sa suơn sre mờ Tiah ơm kis, Jak chài mờ măi mŏk, Broă dơlam is, Jơi bơtiàn mờ Pin dờn jăt Yàng, Anih priă jền Dà lơgar, Lùp sền Cíñ phủ mờ Đảng ƀộ ală anih lơh broă tă pơgồp jơnau đơs, dong broă bơh Đảng ủy Cíñ phủ dê.

Tơnơ̆ mờ tŭ jào jơnau lơh nền mờ chờ gờm 15 Đảng ƀộ gơwèt Đảng ủy Cíñ phủ, đơs tàm pơrjum, Thủ tướng ồng Phạm Minh Chính sồr ală Đảng ƀộ gơwèt Đảng ủy Cíñ phủ mhar pồ tơl kwang bàng anih lơh broă Đảng gơwèt Đảng ủy Cíñ phủ mờ tam pà broă lơh di mờ bơta boh lam Đảng dê; Lơh gơs mpồl kwang bàng tàm dơlam; Lơh jơnau pal jăt lơh broă jăt tàm 5 gùng dà đơng lam bơh đảng dê mờ jăt tàm bơta boh lam Đảng dê; tơrgùm tàm Pơrjum dờng Đảng ală kấp bơh ci ƀộ rơlao hờ đang jăt jơnau sồr sồ 35 bơh Ƀộ Cíñ trị dê; Đảng ƀộ lơh broă jăt tàm bơta Đảng đơng lam tơl ală bơta mờ kong kơnòl bal.