VOV4.K’Ho- Drim ngai 17/01, Phó Thủ tướng Trần Hồng Hà bal mờ kwang bàng ala mat ală Ƀộ, ƀan, ngàñ neh tus bal dơ̆ yal rơndăp ù tiah càr Gia Lai tơngai bơh nam 2021 - 2030, rơndăp broă tus nam 2050.

VOV4.K'Ho- Tơnơ̆ tŭ tus Davos, lơgar Thụy Sĩ, Thủ tướng Cíñ phủ Phạm Minh Chính mờ kwang đơng lam bồ kâp dờng lơgar Việt Nam neh cribơyai mờ ală mpồl lơh sa kă bro gùt plai ù bè lơh broă bal bơtàu tơnguh AI (hơ̆ là bồ tơngoh jak kòn bơnus mòn gơs), kông nghệ oto, cip ƀán zẫn mờ ù tiah ơm kis.

VOV4.K’Ho- Mho òr (16/01), tàm ƀòn dờng Kon Tum, UɃÑZ càr Kon Tum bơyai lơh Pơrjum yal Rơndăp ù tiah càr Kon Tum tơngai bơh nam 2021 tus 2030, wèt tus nam 2050. Tus bal pơrjum geh kwang đơng lam ờ uă Ƀộ, gah lơh broă Dà lơgar mờ càr rềp bal.

VOV4.K’Ho- Drim do (17/01), tàm Hà Nội, Ủy ƀan Thường vụ Quốk hội bơyai lơh dơ̆ pơrjum nàng pơgồp jơnau đơs, jơnau mblàng lơh loh, iăt, lơh niam wơl gơwèt mờ 4 rơndăp broă cih Adăt mờ Nghị quyết gam geh Quốk hội pơgồp jơnau đơs tàm Dơ̆ pơrjum ni sơna dơ̆ 5 do.

VOV4.K’Ho- Tàm dơ̆ lòt lơh broă tàm càr Nghệ An, Mho òr (16/01), tàm kơnhoàl Nam Đàn, Củ tịc lơgar Võ Văn Thưởng mờ mpồl kwang bàng lơh broă neh tus chu ñàng, pơdơng bơkào kah kơlôi Củ tịc Hồ Chí Minh tàm Hìu duh khoai Chung Sơn – Hìu duh khoai hìu nhă Wa Hồ mờ tàm Tiah Lời wơl dà lơgar kwơ màng Kim Liên.

VOV4.K'Ho- Mho òr (15/01), tàm ƀòn dờng Phú Quốc, càr Kiên Giang, tiah 5 ling dà lềng bơyai lơh tìp mat mpồl cau ala mat lòt còp, nting bơr gờm chờ sa tềp ling klàng mờ làng bol ală bồt tiah đah jum mat tơngai mut.

VOV4.K’Ho- Drim òr (16/01), Thủ tướng Cíñ phủ Phạm Minh Chính mờ Pơ-ùr, bal mờ mpồl kwang bàng ala măt kấp dờng lơgar Việt Nam neh lòt gùng tus pơrjum bè ờs pah nam dơ̆ 54 bơh Cri bơyai Lơh sa dunia (WEF) dê geh bơyai lơh tàm ƀòn dờng Davos, lơgar Thuỵ Sĩ, còp mùl màl lơgar Hungary mờ Romania.

VOV4.K’Ho- Drim òr (15/01), tàm ƀòn dờng Hồ Chí Minh geh bơyai lơh pơrjum ƀăo broă lơh “nam pa ƀòn lơgar” nam 2024, mờ bơta đơng lam bơh Thứ trưởng Ƀộ Ngoại giao Lê Thị Thu Hằng mờ Phó Củ tịc Ủy ƀan Ñân zân ƀòn dờng Hồ Chí Minh Võ Văn Hoan.

VOV4.K’Ho- Sa tềp Giáp Thìn nam 2024 gam mờr tus, broă gàr tơl phan bơna mờ lơh niam giă drà kă bro là broă tờm geh ală tiah, mpồl lơh sa kă bro tàm ală càr tàm tiah Tây Nguyên dê rcang lài lam lơh nàng lơh geh jơnau kờñ blơi phan bơh làng bol dê.

VOV4.K’Ho- Ngai òr (14/01), tàm ƀòn dờng Buôn Ma Thuột, Mpồl đơng lam hòi jà pà mhàm dong kờl is càr Dăk Lăk pơgồp bal mờ ală mpồl lơh broă bơyai lơh broă lơh pà mhàm dong kờl is Ngai rơlô pơrhê.