Mang ngai 23/10, jat jiơ tiah do dê, tàm tơngume ală broă lơh tus bal Pơrjum Kwang bàng kấp dờng ală Kwang đơng lam bồ BRICS rề ơnàng tàm Kazan, lơgar Nga, Thủ tướng Cíñ phủ ồng Phạm Minh Chính neh tìp mat Kwang đơng lam bồ lơgar Thổ Nhĩ Kỳ ồng Recep Tayyip Erdogan.

Thủ tướng Cíñ phủ đơs nền sền dờng màng bơta gĭt gơ̆p lơh bơyô bal mờ lơh broă bal niam bơnĕ đah Việt Nam mờ Thổ Nhĩ Kỳ; kơ̆p kờñ ală mpồl lơh sa kă bro lơgar Thổ Nhĩ Kỳ sền gròi bơcri priă rlau tai tàm lơgar Việt Nam. Bàr nă kwang đơng lam bồ ring bal sơlơ tơnguh tai cribơyai, tìp mat đah kwang đơng lam bồ kấp dờng 2 lơgar, gờñ tơnguh gơnoar mờ lơh jrô ơnàng làm uă rlau tai bơta gĭt gơ̆p 2 lơgar dê; lơh pràn bơta gĭt gơ̆p lơh sa, kă bro phan ndrờm pal mờ bơta ƀuơn, bơta pràn, pơnđơl pràn lơh ngan gờñ lơh geh jơnau kờñ priă lơh geh bơh tăc phan mờ lơgar ndai đah 2 gah dê 4 tơmàn dolar Mỹ, mơkung kơlôi sơnơng lơh geh ală tơngume pa nàng kờñ lơh geh bơta ƀuơn rlau tai ai kă bro phan mờ bơcri priă in.

Lài hơ̆, tàm ƀòn dờng Kazan, lơgar Nga, Thủ tướng ồng Phạm Minh Chính tìp mat mpồl bơtiàn cau Việt Nam kis tàm lơgar Nga.