Dơ̆ lòt lơh broă bơh Thủ tướng ồng Phạm Minh Chính dê tus bal Pơrjum BRICS rề ơnàng là broă lam lơh kwơ màng gùng dà broă lơh lơh broă mờ lơgar ndai ờ tŭ lơi tam gơl bơh lơgar Việt Nam dê là lơngăp lơngai is, lơh tờm is, lơh uă bơta gĭt gơ̆p, lơh bơyô mờ uă lơgar lơh broă bal.

Bơta tus bal bơh cau lam bồ Cíñ phủ lơgar Việt Nam dê tàm pơrjum do là bơta đơs nền pràn kơl dang nùs nhơm rcang lài, jơh nùs, geh kơnòl bơh lơgar Việt Nam dê tàm broă bơsong ală broă bal bơh jơi bơtiàn kòn bơnus dê. Bơh hơ̆, lơh nền ai jơnau hơ mờ geh kơnòl bơh lơgar Việt Nam dê lòt bal mờ ală lơgar tàm mpồl bơtiàn ală lơgar, sơlơ tơnguh tai broă lơh uă bơta gĭt gơ̆p, tam klăc bal ală lơgar mờ jờng rơ nùs nhơm sền dờng màng adat boh lam, pơgồp bơnah bơt bơtàu ring lơngai, sơlơ tơnguh tai lơh broă bal mờ bơtàu tơnguh tàm dunia.