Ngai 23/10, Kwang đơng lam bồ Anih duh broă làng bol kơnhoàl Bảo Lâm, càr Lâm Đồng neh sồr ală mpồl lơh broă geh gơrềng lòt sền tiah geh tềl gùng rơđàng jrô ngan blah bàr bơnơm tàm thôn 4, xã Lộc Tân. Jat jơnau cih dờp, tàm bồ grồi geh tềl rơđàng ơnàng pơgap 1 thơk nggùl, jòng gĭt nđờ rơhiang thơk bơh bồ bơnơm mù tus jơng bơnơm. Gùt dar tiah do geh bàr pe tiah tơrlah ù dềt, uă plai lŭ dờng kơn jơ̆ gĭt nđờ rơhiang tấn gơ ơm sồrlàng sơrlàng, pơhìn gơ blă tus tàm tiah đah đơm tiah ƀòn Cốc khat dùl tŭ lơi lơm.

Ồng Đặng Văn Hân, ơm tàm thôn 4, xã Lộc Tân, pà gĭt, ƀòn Cốc geh pơgap 20 hìu bơnhă làng bol ơm kis. Pah ngai, tàm tiah do gam geh uă ngan cau tus pĭc ce mờ lòt rê tàm gùng hơđơm jơng bơnơm dê. Tŭ gŏ grồi gơtìp blah bàr jrô ngan, làng bol ờ suk ơm kơlôi sơnơng rơngòt pơhìn tơrlah ù, ngòt rơngơ̆t tus màng kis. Anih duh broă làng bol kơnhoàl Bảo Lâm neh sồr mpồl lơh broă geh gơnoar xã Lộc Tân sơntơ̆p kƀàng yal tơngĭt lài mờ lơh jat ală broă lơh nàng rcang lài pleh mờ bơta ngòt rơngơ̆t digơlan gơlik geh.