Nàng rơcang ai dơ̆ lòt jòi, rồ tơrgùm ƀồc ntìng cau ling chơ̆t màng tàm kàl prang nam do, Mpồl đơng lam ling klàng càr Kon Tum neh sồr Mpồl K53 sền, git 43 jơnau tơngit ƀồc cau ling chơ̆t màng tàm ală lơgar Lào mờ Campuchia dê. Bơh broă sền wơl, geh ală jơnau tơngit di pal ngan geh rồ tơrgùm ƀồc ntìng cau ling chơ̆t màng.

Đơs tàm dơ̆ lik lơh broă, mò Y Ngọc, Phó Củ tịc Anih duh broă Làng bol càr Kon Tum sồr Mpồl đơng lam ling klàng càr Kon Tum tơnguh broă đơng lam, lam sồr mpồl K53 tàm jơh tơngai lơh jăt kơnòl broă; lơh niam broă bơto bơtê cíñ trị, nùs nhơm ai mpồl kwang bàng, cau ling in; tơnguh uă nùs nhơm tam klăc bal, geh kơnòl, lơh jăt nền nòn jơnau pal jăt ling klàng mờ ală gùng dà broă lơh bơh Đảng, adăt boh lam bơh pe lơgar Việt Nam – Lào – Campuchia dê. Geh git kàl prang nam lài, Mpồl K53 càr Kon Tum neh tơrgùm, cèng rê hờ lơgar tờm geh 16 ƀồc ntìng cau ling chơ̆t màng chơ̆t phi să tàm lơgar Lào mờ lơgar Campuchia.