VOV.K’Ho- Ală bơta kal ke bơh mpồl ling rcang gàr lài drơng broă làng bol ƀòn lơgar tơngôŏ bơh dơ̆ mìu càl rơbŭt dờng sồ 13 mờ dơ̆ mìu dờng dà tih dà lìu kah yau, kung sồr lơh kơ̆ kơl jăp tơl làm kơnòl broă sền gàr dà lơgar- ling klàng, là tơngume geh đơs sùm tàm pơrjum tơn jơh kơnòl broă sền gàr Dà lơgar, ling klàng càr dê nam 2025 bơh Anih duh broă Làng bol càr Dăk Lăk dê bơyai lơh.

VOV.K'Ho- Mho ngai 08/12, tàm Hìu duh broă Đảng Dà lơgar, Tổng Ƀí thư ồng Tô Lâm neh wă Kwang Lam bồ Hìu bơsram kơlôi sơnơng Kwang ătbồ ală ƀang lơgar Nga ồng Aleksay Komissarov gam geh dơ̆ còp mờ lơh broă tàm lơgar Việt Nam.

VOV.K'Ho- Pơrjum cribơyai “Ngui măy mŏk (viễn thám) hơ̆ là măy mŏk kơlôi sơnơng, đo was mờ jòi tơrgùm jơnau yal tàm yal lài trồ prang soăt dà, ờ tơl dà ai kơnhoàl ù tiah Tây Nguyên in mờ tam gơl sồ tàm ngui broă bơ̆t bơtàu dà drơng ngui sa mờ broă lơh sa” geh lơh mho ngai 08/12 tàm càr Lâm Đồng.

VOV.K’Ho- Ngai do (09/12), Quôk hội lời tŭ tơngai nàng cribơyai tàm hìu pơrjum bè ală jơnau yal broă lơh bơh Kwang lam bồ Anih cah rơña làng bol dờng ngan rlau jơh dà lơgar, Kwang lam bồ Anih kơlôi sơnơng sền sơ wì lơh jat adat boh lam dờng ngan rlau jơh dà lơgar, broă lơh rơcang dră wơl cau tìs mờ lơh tìs adat boh lam; broă lơh jat kơrnuat lơh glài bơh anih cah rơña dê; broă lơh rơcang dră wơl sa kuề sa kuà nam 2025.

VOV.K’Ho- Jơ̆t dùl nhai do, càr Gia Lai ai priă bơcri dà lơgar mìng geh rlau 58%, lơyah uă rlau pơndrờm mờ broă rơndap lơh. Bơta do neh geh đơs loh tàm dar sơn đờm mut lơh dơ̆ pơrjum dơ̆ 5, Mpồl duh broă Làng bol càr geh bơyai lơh ngai 08/12 tàm sơnah ƀòn Pleiku.

VOV.K'Ho- Nam 2025, càr Quảng Ngãi lơh geh khà gơguh lơh sa 10,02%, lam bồ tiah đah Jum tàm gùl lơgar mờ Tây Nguyên.

VOV.K’Ho- Ngai òr (08/12), tàm Cần Thơ, Tổng Ƀí thư ồng Tô Lâm, Ƀí thư Anih duh broă đơng lam Đảng ling klàng Dà lơgar tus bal Dơ̆ tơnkah 80 nam Ngai bơhiàn ờs mờng Mpồl ling phàu crong Ling tiah 9 mờ jàu sră jờng rơ Cau ling khin cha jak chài Mpồl ling phàu crong làng bol.

VOV.K'Ho- Ling mpồl 34 ai jơnau kờñ lơh sir ală hìu ơm lài mờ ngai 20/01/2026, dong làng bol gờñ bè ờs wơl rài kis mờ di tŭ wă rò sa tềp tàm hìu ơm pa ram mhŭ.

VOV.K'Ho- Jơnau rơcăng cih sră nggal Đảng dê bè Jơnau yal sền swì 5 nam lơh jăt Broă rơndăp lơh bơtàu tơngguh lơh sa- mpồl bơtiàn 10 nam bơh nam 2021- 2025; gùng dà broă lơh, kơnòl broă bơtàu tơngguh lơh sa – mpồl bơtiàn 05 nam bơh nam 2026- 2030, đơs nền: Tàm bơta broă tàm dunia uă tam gơl, kòp bơtờp, trồ tiah lơh aniai gơbàn uă ngan, rài lơh sa lơgar he kung gam lơh geh sơl ală cồng nha kwơmàng mờ pơnrơ.

VOV.K'Ho- Thủ tướng ồng Phạm Minh Chính đơs nền bàr mpồng nhàr lơgar ală lơgar Tân Nam mờ Meun Chey pờ geh “mpồng kă bro phan” pa, pơgồp bal tàm broă tơnguh broă pơgồp bal lơh sa, kă bro phan, lòt nhơl mờ tìp bal làng bol đah bàr lơgar, mờ tơnguh broă tơrbŏ bal git gơ̆p, lơh bơyô bal, lơh broă bal jŏ jòng.