Chủ tịch Quốc hội đơs nền lơgar Việt Nam sùm sền lơgar Nhật Bản là lơgar lơh broă bal jŏ jòng kwơ màng lài ngan, jŏ jòng mờ tus bal kờñ gơnoar bơh Đảng LDP dê.

Mờ kơ̆p kờñ bàr gah pơgồp bal nền nòn lơh jrô ơnàng rơlao bơta git gơ̆p Tam klăc bal Kwơ màng Tơl ală bơta, mùl màl lơh ală jơnau ring bal kấp dờng bơh dơ̆ tus còp lơgar Việt Nam bơh mò Takaichi Sanae, Thủ tướng lơgar Nhật Bản dê tàm nhai 5 nam 2026. Quốc hội lơgar Việt Nam hơ lơh geh bơta niam adăt boh lam ƀuơn nàng lơh geh cồng nha ală jơnau ring bal do. Ồng Trần Thanh Mẫn sồr Đảng LDP kờñ bal mờ dong kờl bơyai lơh ală Lơh chờ đah lơgar Việt Nam mờ lơgar Nhật Bản tàm jơh bàr lơgar dê, kung bè ală pơrjum cri bơyai tơrbŏ bal tiah đah lơgar Việt Nam mờ lơgar Nhật Bản dê tàm lồi nhai 9 nam 2026 geh bơyai lơh tàm ƀòn dờng Cần Thơ.