Đơs niam ngan bơta rơcăng lài mờ lơh ngan bơh ală mpồl ling klàng, kwang àng bal mờ gơnoar ătbồ ƀòn lơgar dê tàm broă ntrờn niam lơngăp lơngai ai mờr 1 rbô 700 nă làng bol lik klàs bơh tiah sơbơng roh, Phó Thủ tướng sồr ală mpồl lơh broă pơn jăt tai ơm rềp mờ ƀòn lơgar, kràñ cê kơ̆ nùs ờ lời làng bol wơl rê wơl tàm tiah rềs àr tŭ ờ hềt geh bơta niam lơngăp. Gơ wèt mờ broă rơndăp lơh jŏ jòng bơ̆t bơtàu wơl jŏ jòng, càr Lai Châu dan Dà lơgar sền swì dong kờl priă tă ntrờn mhar pơgăp 200 hìu làng bol lik bơh tiah geh pơhìn tơrlah uă.

Bơdìh mờ priă jền dong kờl bơh Dà lơgar dê, Phó Thủ tướng sồr Anih duh broă Mặt trận Dà lơgar Việt nam bal mờ ală mpồl cau jơh nùs hòi jà, hòi tơrgùm bơta pràn mpồl bơtiàn dê tă pơgồp bal; sơrbăc mhar ai pà wơl ală phan ngui tàm rài kis kờñ pal geh, dong làng bol tiah dà lìu Mường Than gờñ kơ̆ kơl jăp rài kis.