Đơs nền bơta git gơp 2 lơgar kung gam uă bơta ƀuơn mờ bơta pràn dờng ngan nàng rề ơnàng lơh broă bal ngan ngồn, geh cồng nha rlau, ồng Lê Minh Hưng, Thủ tướng Chính phủ sồr 2 gah pơgồp bal jơh nùs nàng kờñ tơnguh gơnoar broă bơta git gơp tàm tơngai tus.

Bơta tờm là sơlơ tơnguh tai cribơyai mpồl ală kâp, ai lài lam lơh ală dơ̆ lòt còp bơh đơng lam kâp dờng dê; sồr đah Canada pơn jat tai pờ mpồng drà kă bro ai phan bơna Việt Nam in, ngan là phan lơh gơs bơh suơn sre, brê bơnơm, phan tàm dà. Mờ kung hòi jà mpồl lơh sa kă bro Canada lơh pràn bơcri priă tàm ală rơndap broă lơh dờng bè năng lượng, lơh sa tơlir mờ lơh sa tàm pơdar. Bè đah să tờm ồng Mark Carney, Thủ tướng Canada, ồng đơs nền, Việt Nam là lơgar lơh broă bal kuơmàng tờm ngan tàm tiah ASEAN mờ Ấn Độ Dương - Thái Bình Dương. Bàr lơgar kờñ pal tam pà uă bơta kuơ bal tàm bơta tờm pin dờn chính trị, kă bro phan - bơcri priă pờ ơnàng mờ tìp mat lơh kwèng làng bol jrô ơnàng; đah Canada hơ pơrgon bal mờ Việt Nam chồl tơnguh lơh broă bal ngai sơlơ bơtàu tơnguh.