Chủ tịch Quốc hội đơs sùm do là adat geh gơtha kwơ màng, lơh tềl broă lơh tam gơl bơh bồ tơngoh kơlôi sơnơng atbồ tus atbồ tiah drà tơngai pa tŭ do, tam gơl bơh broă lơh tơrlòng lài tus tơngume adat boh lam kơ̆ kơl jăp, jŏ jòng. Jơnau rcang cih neh jat nền ală gùng dà broă lơh dờng bơh Bộ Chính trị dê.

Chủ tịch Quốc hội sồr ƀòn dờng Hồ Chí Minh pồ tơl mpồl kwang bàng lơh broă atbồ tiah drà, tam pà kấp gơnăp gơnoar tàm dùl bă tiah lòt bal mờ gròi sền gơnoar pràn mờ jơnau sồr loh broă jàu sền sơwì bè bơta pràn jak lơh jat. Bơdìh hơ̆, ƀòn dờng kờñ pal sền gròi bơtàu tơnguh phan bơna bơtàu lơbơn bè tam gơl sồ, anih tờm tam gơl pa bơceh lơh, koh tơrmù sră pơ àr bơcri priă mờ bơsong jơh nàng bơta tàm rơndăp rơndồl đah ală adat mìng dùl gah dê. Chủ tịch Quốc hội pà gĭt rơndăp broă lơh Adat kờp dŭ rơ̆p yal mờ Quốc hội in sền sơ wì, ring bal tàm Pơrjum ờ bè ờs mờr tus.