Ồng Nguyễn Hoài Anh deh nam 1977, geh rlau 26 nam lơh broă, neh geh tŭ at uă gơnoar broă đơng lam tàm càr Bình Thuận, càr Lâm Đồng mờ bơh nhai 9 nam 2026 tus tŭ do là Chủ tịch Anih duh broă Làng bol càr Thanh Hóa.

Đơs jàu kơnòl broă, Thủ tướng sồr Ƀộ Jơi bơtiàn mờ Pin dờn jat yàng tơrgùm tă pơgồp jơnau đơs lơh sir gùng dà, broă lơh; rơndap tap sèng mpồl lơh broă sră pơ àr dipal mờ broă lơh gơnoar atbồ ƀòn lơgar 2 kâp; lam lơh geh cồng nha Broă lơh jơnau kờñ dà lơgar tơngai bơh nam 2026 tus nam 2030; gàr niam gơnoar khat gơboh pin dờn, jat yàng; gàr kơ̆ mpồl tam klac jơh gùt jơi bơtiàn, gàr kơ̆ kơljap tiah làng bol jơi bơtiàn dùl êt nă cau mờ tiah jat yàng, mờ kung gờñ ai jơnau yal tơnggit bè jơi bơtiàn, pin dờn jat yàng lơh broă ring bal.