Klo ngai, ngai 20/7, tàm ù tiah sàh Ia O, càr Gia Lai, Hạ sĩ Kpă Thiệp - Cau ling Trung đoàn 28, Sư đoàn 10, Ling mpồl 34 tàm tơngai ơm rlô lòt lơh mìr rê neh sền gŏ 2 nă cau gơtìp đèng jờk chơt iơh. Ờ rơngòt bơta sơbơng roh, bi neh mut mơ tàm tiah ngòt rơngơt hoài cau gơtìp đèng jờk lik bơdìh, hơ̆ sồng bi gơtìp chơt iơh.

Broă lơh khin cha bơh Hạ sĩ Kpă Thiệp dê neh dong 2 nă làng bol geh dong kis di tŭ, mơya bi neh sang rài tài ờ pràn plai nùs. Cih dờp krơh niam khin cha, Anih duh broă Làng bol sàh Chư Sê neh pà Sră jờng rơ, bal mờ hơ̆ gơnoar atbồ sàh Ia O gam dan kâp càr pà Bằng khen bi in. Nàng kờñ di tŭ tam pà bơta roh rui dờng ngan do, kwang bàng mờ cau ling jơh gùt Ling mpồl 34 neh hòi jà tă pơgồp dong kờl hìu bơnhă Hạ sĩ Kpă Thiệp, lơh niam rlau tai rùp să niam bơnĕ Cau ling Wa Hồ dê.